DSCF5641   Sous l’sine du rassimblemint ch’cô arjoint  ch’cloquer. Perqué là tout in hiaut, rien d’in bas n’li écappe.

I vouot vife les gins, déchindant d’ches taïons et d’incor plus lon, gaulois, gauloises et incor tout l’basse-cour : glaines, clouques, pouillettes, pouchins. Ch’est l’symbole de l’nation.

 

 

L’crox qui va avec, nous dit l’communautèïe argroupée bien des fouos : baptêmes, communions, mariaches et interremints, cérémonies et fêtes carillonnèïes et cor d’aut’ z’ occasions pour tertousses s’artreuver.

 Ch’est tout l’vie d’eun’ cité ichi symbolisèïe qui dit marci à Diu et implore sin pardon, et li d’mindant aussi equ’ dins nou cuin d’païs, Saint Martin pousse les gins à coper  leu mantieau pour arcapler ch’transi, qui n’a pont toudis là fort caud, qui crupit dins l’nature et mindie sin quignon.

 

 

 Croïants, moins croïants et pont croïants du tout, tous cheux ichi vénus et tous s’ z’ aut’ impêchés, qui espriment leu foi ou bien qui veutent croire, ô sommes d’eun’ même famile et tous des fils à Diu. Le coq de St Martin  

Vivons in vérité avec nou crox et nou cô qui trôn-tent

su’ nou cloquer, qui nous cantent « action d’grâces ».

Cha n’est pont qu’eun’ girouette qui tourne à

tous les vints, ch’est l’sine du partache et

ch’ti de l’conversion qui fait que cheux d’in-bas

arjoinent cheux l’all d’in hiaut dins l’communion

c’ches saints, tous faits pour el’ Royaume.

 

 

Gabar

(Texte lu à la salle de la Maison du Rivage,

lors de l’inauguration du coq et de la croix restaurés) 

 

 

Cloquer : clocher

Cô : coq

Taïons : arrière grands-parents

Clouques : poules couveuses

Arcapler : recouvrir

Toudis : toujours

Crupit : ici, végète

Quignon : part de pain